Idman.biz
"Real"ın(Madrid) ulduz hücumçusu Rodriqo klubdan ayrılmaqla bağlı qərarını verib.
İdman.Biz xəbər verir ki, İspaniyanın "Sport" nəşrinin yaydığı məlumata görə, braziliyalı futbolçu hazırda iki agentliklə irəliləmiş danışıqlar aparır.
Rodriqonun əsas məqsədi böyük transferləri reallaşdıra bilən güclü agentliyin müştərisi olmaqdır.
Qeyd edək ki, hücumçunun artıq bir neçə ildir rəsmi agenti yoxdur.
Mənbənin məlumatına əsasən, Rodriqo mövsümü "Real"da başa vuracaq, lakin yay transfer pəncərəsində komandadan ayrılacaq.
Braziliyalı futbolçu üçün ən real variantlar "Mançester Siti" və "Arsenal" hesab olunur.
Bununla yanaşı, "Liverpul"un da Rodriqonun transferi uğrunda mübarizəyə qoşula biləcəyi bildirilir.
Yanvarın 9-da 25 yaşını qeyd edəcək Rodriqonun Transfermarkt portalına görə bazar dəyəri 60 milyon avrodur.
