Idman.biz
"Real Madrid"in cinah oyunçusu Rodriqo Qoes bu qış klubdan ayrılmaq niyyətindədir.
İdman.Biz-in Sport.es-ə istinadən məlumatına görə, braziliyalı oyunçu hazırda iki aparıcı klubla danışıqlar aparır.
Mənbənin məlumatına görə, Rodriqo üçün əsas namizədlər "Arsenal" və "Mançester Siti"dir, lakin "Liverpul" da ola bilər.
Qeyd olunur ki, hücumçunun "Real Madrid"dən transferi bu klublara təxminən 100 milyon avroya başa gələ bilər.
Rodriqo bu mövsüm bütün turnirlərdə 21 oyunda meydana çıxıb, iki qol vurub və dörd məhsuldar ötürmə edib. Onun klubla hazırkı müqaviləsi 2028-ci ilin yayına qədərdir. Transfermarkt portalındakı məlumata görə, onun bazar dəyəri 60 milyon avrodur.
