Lent.az
Madridin "Real" klubunun hücumçusu Rodriqo Goes cari transfer pəncərəsində İspaniya nəhəngini tərk etməyəcək və son günlərdə "Manchester Siti"yə keçməyəcək.
Lent.az xəbər verir ki, braziliyalı futbolçu yaxın gələcəyini "Kral klubu" ilə bağlayır. Bildirilir ki, Rodriqo ən azı yanvara qədər "Real"da qalmaq və əsas heyətdəki yer uğrunda mübarizə aparmaq niyyətindədir.
Daha əvvəl mediada "Manchester Siti"nin 24 yaşlı oyunçu ilə danışıqlar apardığı yazılmışdı. İngilis klubu Rodriqoya 5 illik müqavilə təklif edib. "Real" isə hücumçunun satışından 100 milyon avrodan çox gəlir əldə etməyi planlaşdırırdı.
Rodriqo 2019-cu ilin yayından "Real"ın heyətində çıxış edir. Bu müddət ərzində o, bütün turnirlərdə 271 oyunda iştirak edib, 68 qol vurub və 51 məhsuldar ötürmə edib. Onun klubla hazırkı müqaviləsi 2028-ci ilin yayına qədər qüvvədədir.
