Sport24.az
"Qarabağ"la oyun ərəfəsində məşqlərdə çox işləmişdik. Səfərdən uğurlu nəticəylə dönmək istəyirdik. Qarşımıza qoyulan hədəfə çatdığımız üçün xoşbəxtik". Bu sözləri Sport24.az-a açıqlamasında "Turan Tovuz"un oyunçusu Roderik Miller deyib.
Panama millisinin də şərəfini qoruyan müdafiəçi "Qarabağ" üzərində qələbədən məmnun qaldıqlarını və cari mövsümün daha gərgin keçəcəyini də vurğulayıb: "Qarabağ" Azərbaycanın son illərdə dəyişməz çempionu olmaqla yanaşı, Avropada da özünü təsdiq edən komandadı. Belə bir rəqibə qarşı oynamaq xüsusi motivasiya və dözümlülük tələb edir. "Azersun Arena"da rəqibə yaxşı müqavimət göstərdik və çoxlarının inanmadığı, gözləmədiyi halda meydan sahiblərini məğlub etdik. Hesab daha da böyük ola bilərdi. Rəqib qapıçının gözəl oyunu və bəxtsizlik hesabı artırmağa imkan vermədi. İkinci penaltini də qola çevirsək əla olardı. Amma görünür qismətimizdə ancaq bir qol vardı. "Qarabağ" üzərində qələbədən məmnun olsaq da, arxayınlaşmamalıyıq. Bizi qarşıda uzun marafon gözləyir. Bu mövsüm ötən ilkindən daha ağır, rəqabətli olacaq. Hər bir komanda təhlükəli, istəklidir. Odur ki, bütün oyunlara final matçı kimi baxırıq".
Qeyd dək ki, Premyer Liqanın IV turu çərçivəsində baş tutan "Qarabağ" – "Turan Tovuz" matçı qonaqların minimalhesablı qələbəsi ilə yekunlaşıb.
ABDULLA İSMAYILOĞLU
