Idman.biz
"Turan Tovuz"un yeni transferi, ispaniyalı yarımmüdafiəçi Roberto Olabenin Futbolinfo.az saytına müsahibəsi
– Hazırlıqlar necə gedir və yeni mövsümə necə hazırlaşırsız?
– Hər şey qaydasındadır. Yaxşı gedir.
– "Turan Tovuz"a keçidin necə alındı və burada hədəflərin nədir?
– Karyeramı ölkəmdən kənarda davam etdirmək istədim. Bu, oyunumu inkişaf etdirmək üçün yaxşı imkandır. Məqsədim komandanın inkişafına yardım etməkdir.
– Baş məşqçiniz Kurban Berdıyev kifayət qədər tanımış adamdır. Tovuz klubuna keçiddə onun adının rolu oldu?
– Bəli, kifayət qədər tanınmış məşqçidir və komandanı yüksək səviyyəyə çatdıracaq. Komandaya və məşqçiyə güvənməyim bura gəlməyimdə əsas rol oynadı.
– Azərbaycan çempionatı sənə necə görünür və burada uğurlu ola biləcəyini düşünürsən?
-Çox rəqabətli çempionatdır və rəqabət getdikcə daha da artır. Komandanın məqsədlərinə çatmağı üçün çox çalışacam.
– Təklif gələndə Azərbaycanda oynamış hər hansı ispan futbolçu ilə danışdın?
– Heç kimlə danışmamışam.
– "Qarabağ"da Miçel Madera, Xaime Romero kimi məşhur ispanlar oynayıb. Onları tanıyırsan?
– Azərbaycan yığmasının üzvü Eddi İsrafilovla ilə bir yerdə oynamışam. Bilirəm ki, 3 mövsüm bu çempionatda oynayıb. Əla futbolçudur. Miçel və Xaime ilə oynamamışam, ancaq tanıyıram.
İdman.biz
