Idman.biz
"Barselona"nın hücumçusu Robert Levandovski La Liqanın VII turunda "Real Sosyedad"la oyunda (2:1) komandasının ikinci qolunu vurub.
İdmanşbiz xəbər verir ki, bu, polşalı futbolçunun peşəkar karyerasında vurduğu 700-cü qol olub.
Peşəkar futbola Polşada başlayan Levandovski "Lex", Dortmund "Borussiya"sı, "Bavariya" və digər klublarda çıxış edib. Hücumçunun klub karyerasında 830 matçda 614 qolu və 155 məhsuldar ötürməsi var.
Polşa millisində isə Levandovski 160 oyunda 86 qol və 36 assistlə yadda qalıb.
Qeyd edək ki, 2022-ci ildən "Barselona"nın formasını geyinən 36 yaşlı hücumçu bu günədək kataloniyalıların heyətində 154 görüşə çıxıb, 105 qol vurub və 20 məhsuldar ötürmə edib.
