Sport24.az
"Barselona"nın və Polşa millisinin hücumçusu Robert Levandovski gələcəyi ilə bağlı sualı cavablandırıb. Sport24.az xəbər verir ki, bu barədə jurnalist Fabrizio Romano X sosial şəbəkəsində yazıb.
Futbolçunun sözlərinə görə, əla formadadır və çıxışını ən yüksək səviyyədə davam etdirməyə hazırdır:
"Mən yaxşı fiziki formadayam və ən yüksək səviyyədə oynaya bilirəm. Mən indiki ilə üç il əvvəlki arasında fərq hiss etmirəm".
Qeyd edək ki, Levandovski cari mövsümdə bütün yarışlarda 39 matçda iştirak edib, 34 qol vurub və 3 məhsuldar ötürmə edib. Onun Kataloniya təmsilçisi ilə müqaviləsinin müddəti 2026-cı ilin yayında başa çatır.
