Idman.biz
"Barselona"nın və Polşa millisinin hücumçusu Robert Levandovski müqaviləsinin müddəti bitməsi ilə bağlı şayiələr fonunda gələcəyi barədə danışıb.
İdman.Biz bildirir ki, Kataloniya klubunun "Bavariya"nın keçmiş hücumçusu ilə müqaviləsi 2026-cı ilin yayına qədərdir.
"Tezliklə hansı yolu seçəcəyimə qərar verməyə hazır olacağam və hansı seçimlərim olduğunu görəcəyəm", - Sport.es TVP Sport-a istinadən Levandovskidən sitat gətirir.
Daha əvvəl mətbuatda hücumçunun müqaviləsinin sonuna qədər Kataloniya klubundan ayrılmaq niyyətində olmadığı bildirilirdi.
Bu mövsüm Polşa millisinin üzvü "Barselona" və milli komandada 18 oyunda meydana çıxıb, 10 qol vurub və iki məhsuldar ötürmə edib.
