Idman.biz
"Şamaxı"nın qapıçısı Rikardo Fernandesin Sportal.az-a müsahibəsi
- "Şamaxı" "Sumqayıt"la matçda bir xal qazandı. Bu görüş haqda fikrin necədir? Qələbə qazana bilərdiniz, yoxsa bu görüşdə bir xal sizin üçün yaxşıdır?
- Biz həmişə 3 xal qazanmaq istəyirik. Lakin bunu etmək həmişə mümkün olmur. Mövsümə çox yaxşı başlayan komandaya qarşı səfərdə oynayırdıq. Xarakter nümayiş etdirə bildik. Bu da bizə bir xal qazandırdı.
- "Sumqayıt" 2 turdan sonra liqanın lideri idi. Onlara qarşı oynamaq çətin idi? Yəni, hiss etdiniz ki, liderə qarşı oynayırsınız?
- Bəli, "Sumqayıt" inamlı komandadır. Amma biz bütün rəqiblərlə olduğu kimi, "Sumqayıt"la qarşılaşdıq. Rəqibimizin lider və ya sonuncu yerdə olmasına fikir vermirik. Biz hamıya bərabər hörmət edirik və hamıya qarşı rəqabətli olmaq istəyirik.
- "Şamaxı" bu mövsüm cəmi 2 xal qazana bilib, qələbə qazanmamısınız. "Şamaxı"nın bu mövsümkü çıxışını necə dəyərləndirirsən? Səncə, "Şamaxı" bu mövsüm daha güclüdür?
- Biz ilk qələbəmizi qazanmağa çalışırıq. Buna nail olmaq üçün çox çalışmışıq. Heç kim futbolçularımızın peşəkarlığına və özünü meydanda sona qədər güc sərf etməsinə heç nə deyə bilməz. Böyük komandalara qarşı oynadığımızı bilirik və bütün oyunlarda ən yaxşısını etməyə çalışırıq.
- Azərbaycan Premyer Liqasında komandaların sayı artdı, 12 oldu. Legioner limiti ləğv edildi. Bütün bunlardan sonra Premyer Liqanın səviyyəsində dəyişiklik hiss edirsən?
- Bəli, bu, daha rəqabətli, daha keyfiyyətli səviyyəli çempionat olacaq. Daha çox işləyən və daha dözümlü olanlar uğur qazanacaqlar. Bunun əsası, işimiz, rəqabətli və peşəkarlığımız olmalıdır.
- Qarşıda iki həftəlik fasilə olacaq. Bunun komanda üçün müsbət tərəfi daha çoxdur?
- Biz bunun müsbət və ya mənfi olduğuna baxmırıq. Bu, futbolda daim baş verən və öyrəşdiyimiz bir şeydir. Bəzi aspektlər üzərində işləmək və təkmilləşdirmək vacibdir.
- Yeri gəlmişkən, növbəti turdakı rəqibiniz "Karvan-Yevlax"dır. Onlar mövsümə pis başlamayıb. Bu rəqibi necə dəyərləndirirsən?
- Çempionat hələ başlanğıcdadır. Hələ oynamağa çox şey var, çox şey olacaq. Bütün rəqiblər güclüdür, hamı qalib gəlmək istəyir. Hazır olmalıyıq.
İdman.biz
