Sport24.az
"Fiorentina"nın və Mərakeş millisinin yarımmüdafiəçisi Sofyan Amrabat karyerasını Türkiyə çempionatında davam etdirəcək. Sport24.az xəbər verir ki, futbolçu İstanbula gəlir
28 yaşlı futbolçu Joze Mourinyonun çalışdırdığı "Fənərbağça"ya keçir. Transfer satınalma öhdəliyi olmaqla icarə əsasında olacaq. "Fənər" buna görə 2 milyon avro ödəyəcək. İstanbul klubu futbolçunu almaq üçün 13 milyon avrosundan keçəcək. "Fiorentina" isə bonus olaraq daha 3 milyon avro qazana bilər. Amrabat Türkiyə klubu ilə 4 illik müqavilə imzalayacaq.
Qeyd edək ki, ötən mövsüm Amrabat "Mançester Yunayted"də icarə əsasında çıxış edib. "Qırmızı şeytanlar" futbolçunu almaqdan imtina edib.
