Sport24.az
"Qarabağ"ın sabiq futbolçusu Boyan Miovski karyerasını İspaniya La Liqasında davam etdirəcək. Sport24.az xəbər verir ki, Şotlandiya təmsilçisi "Aberdin" 25 yaşlı forvardı "Jirona"ya satıb. Bu barədə İspaniya klubunun mətbuat xidməti məlumat yayıb.
La Liqa təmsilçisi şimali makedoniyalı forvard üçün Şotlandiya klubuna 8 milyon avro təzminat ödəyib. Miovski "Jirona" ilə 2028-ci ilin yayına kimi nəzərdə tutulan müqavilə imzalayıb.
Qeyd edək ki, Boyan Miovski 2017/2018 mövsümünün birinci yarısını "Qarabağ"ın U-19 komandasının heyətində keçirib. Rəşad Sadıqovun dəvəti ilə Şimali Makedoniya millisinin üzvü Ağdam təmsilçisinin heyətində UEFA Gənclər Liqasında 3 rəsmi matçda meydana çıxıb.
