İdman.biz
"Bugünkü oyunda şansları bərabər dəyərləndirirəm".
İdman.biz xəbər verir ki, bunu Konfrans Liqasının pley-off mərhələsində keçiriləcək "Zirə" - "Omoniya"(Kipr) oyunundan əvvəl baş tutan mətbuat konfransında Bakı təmsilçisinin baş məşqçisi Rəşad Sadıqov deyib.
O, Çempionlar Liqası çərçivəsində bu gün baş tutacaq "Qarabağ" - "Dinamo" (Zaqreb) oyunundan gözləntilərini açıqlayıb. Ağdam klubunun sabiq kapitanı bildirib ki, Azərbaycan çempionu səfərdə 1:0 hesabı ilə qələbə qazansaydı belə şansları yenə eyni dəyərləndirəcəkdi: "Rəqibin də bu gün necə oynamasından çox şey asılı olacaq. "Qarabağ" üçün vacib olan səfərdəki oyunu təkrarlamaqdır. Sevindirici amil odur ki, stadion azarkeşlərlə dolu olacaq. Nəticənin sonu necə olursa olsun, azarkeşlərin komandaya güvənməsi önəmli amildir. "Qarabağ" a uğurlar arzulayırıq".
Qeyd edək ki, səfərdə 0:3 hesabı ilə uduzan Qurban Qurbanovun komandası Xorvatiya klubu ilə matça saat 20:45-də çıxacaq.
Aytac Sahəd
İdman.biz
