Idman.biz
"Bu il hücum xəttində ciddi problemlər yaşayırıq. Zədəlilərimiz var".
İdman.biz bildirir ki, bu sözləri Misli Premyer Liqasının 7-ci turunda "Neftçi" ilə oyundan sonra "Zirə"nin baş məşqçisi Rəşad Sadıqov deyib.
Oyun 2:2 hesabı ilə bitib. "Zirə" bərabərlik topunu 90+8-ci dəqiqədə penaltidən vurub.
"Komandamdan keyfiyyətli oyun gördüm. Keçənilki matça bənzədi. Sonluq çox dramatik alındı. 100 faizli qol epizodu bizdə çox idi. Topun qapı xəttini keçib-keçmədiyini bilmirəm. Futbolçularım irəli atıldılar, penalti ilə hesabı bərabərləşdirdik. Hər iki komanda baxımlı futbol oynamağa çalışırdı", - Sadıqov bildirib.
