Sport24.az
"Qarşılaşma gözlədiyimizdən gərgin keçdi".
Sport24.az xəbər verir ki, bunu "Zirə"nin baş məşqçisi Rəşad Sadıqov UEFA Konfrans Liqasının III təsnifat mərhələsinin "Osiyek"lə cavab oyununda sonra keçirilən mətbuat konfransında deyib. Mütəxəssis bildirib ki, penaltilər seriyasında qalib gəldikləri üçün oyunçularla fəxr edir:
"Futbolçular çətinliyin öhdəsindən gəldilər. Onlarla fəxr edirəm. Azarkeşləri və futbol ictimaiyyətini təbrik edirəm. Penaltilər seriyasından əvvəl qapıçını tənqid etdim. Aqressivləşməsi üçün bu addımı atdım. "Şerif"lə oyunda penaltilər seriyasından narazı qaldığımı demişdim. 4 penalti qurtarmaq asan məsələ deyil. Bunun öhdəsindən gəldi".
Sadıqov pley-off mərhələsində üz-üzə gələcəkləri Kiprin "Omoniya" klubu haqqında danışıb: "Hər bir baş məşqçisi avrokuboklarda qrupa düşmək istəyir. Rəqib haqqında elə də çox məlumatım yoxdur. III təsnifat mərhələsində Macarıstanın "Fehervar" kollektivi ilə matçlarına baxmışam. Qrup mərhələsinə yüksəlmək üçün əlimizdən gələni edəcəyik".
Qeyd edək ki, Qeyd edək ki, "Zirə" tarixində ilk dəfə yüksəldiyi UEFA Konfrans Liqasının pley-offunda Kipr təmsilçisi "Omoniya" ilə üz-üzə gələcək.
