Rəşad Sadıqov: "Niyə bizdə VAR-a 4-5 dəqiqə baxırlar?"

"Zirə" - "Şamaxı" qarşılaşmasından sonra  meydan sahiblərinin baş məşqçisi Rəşad Sadıqov mətbuat konfransında məğlubiyyətlə şərh verib. Ardınca isə bağlı jurnalistlərin suallarını cavablandırıb. 

- Oyun bizim üçün bizim üçün müsbət tonlarda başlamadı. Artıq 30-cu saniyədə qapımızda təhlükəli vəziyyət oldu. Rəqib gözlədiyimiz əks-hücumda effektliydi və bundan istifadə etməklə qapımıza möhtəşəm zərbə ilə qol vurdular. Daha sonra nəzarət bizdə oldu. İkinci yarıda möhtəşəm oynadıq. Futbolçulardan razıyam. Üç gün əvvəl ağır məğlubiyyət almışdıq. Hamısını nəzərə alsaq, yaxşı oynadıq. Vacib olan odur ki, bu oyunu daha da inkişaf etdirməliyik. Rəqibin qapıçısı çox yaxşı 3-4 seyv etdi.

- Hakim idarəçiliyi ilə bağlı fikriniz necədir?

- Etirazm o idi ki, niyə bizdə VAR-a 4-5 dəqiqə baxırlar? Qol sayılmırsa, problem deyil. Tez qərar vermək olar. Oyunumuz dinamik keçsə, futbolumuzun da inkişafıdır. Həkimlər də meydana girdi, oyun dayandı. Elə 7-8 dəqiqə orada dayandı.

- Bu məğlubiyyəti "Omoniya"ya ağır məğlubiyyətə bağlayırsız?

- Oyunumuz alınmasaydı, bağlayardım.  Məğlubiyyətdən sonra əzlilmiş olursan. Amma oyunumuz onu demədi. Ağır məğlubiyyətə baxmayaraq, yaxşı oynadıq, gözəl oynadıq. Sadəcə rəqib keçilməz idi. Bir qol lazım idi ki, üstünlük bizə keçsin. Rəqibin də əzmkar oyununu nəzərə almaq lazımdır. 

Ağır məğlubiyyətlərin nəticəsi daha da böyük fəsadlara gətirib çıxarmaz?

"Omoniya" ilə ağır məğlubiyyəti qəbul edirəm. Bu günkü isə futbolun daxilində olan bir şeydir. Oyunumuz alınmasaydı, razı olardı. Mənə vacib olan oyundur.