Sport24.az
"İlk oyunla bağlı məyusluğumuz var. Əlimizdən gələni edəcəyik. Son oyuna qədər ümumi çıxışımızı yaxşı hesab edirəm. Komandamdan sabah əzmkar, aqressiv oyun gözləyirəm". Sport24.az xəbər verir ki, bunu Konfrans Liqasının pley-off mərhələsinin cavab oyubnu şərçivəsində keçiriləcək "Zirə" - "Omoniya" oyunundan əvvəl baş tutan mətbuat konfransında qəsəbə təmsilçisinin baş məşqçisi Rəşad Sadıqov deyib.
O, bildirib ki, ilk matçda 0:6 hesablı məğlubiyyətə baxmayaraq, sabahı cavab görüşünə fərqli ab-havada çıxacaqlar: ".Üç günün içərisində dalbadal məğlub olmuşuq. Düzü, bunu gözləmirdik. Ancaq futbolun da gözəlliyi bundadır ki, gözlənilməzlikləri var. "Omoniya" ilə ilk oyuna baxanda görürük ki, sanki o biz deyildik. Ancaq deyə bilərəm ki, kollektiv olaraq o oyunları unutmuşuq, önümüzə baxırıq. Hazırda sabahkı oyuna köklənmişik. Əlimizdən gələni edəcəyik ki, ötən oyundakı nəticəni unutduraq".
Qeyd edək ki, "Dalğa Arena"dan keçiriləcək "Zirə" - "Omoniya" oyunu sabah saat 20:00-da başlayacaq.
