İdman.biz
"Çox maraqlı oyunun şahidi olduq. Hər iki komanda baxımlı futbol oynamağa çalışırdı. İkimizdə də yaxşı alınırdı".
İdman.biz xəbər verir ki, "Zirə"nin baş məşqçisi Rəşad Sadıqov "Sumqayıt" ilə oyundan sonra keçirilən deyib.
Təcrübəli mütəxəssis Misli Premyer Liqasının 15-ci turunda qazanılan 4:1 hesablı qələbəni şərh edib: "Qol epizodlarımız var idi. İstifadə edə bilmədik, rəqib kornerdən fərqləndi. Meydanda bərabər mübarizə gedirdi. Əks-hücumlarımız kəsərli idi. "Sumqayıt" yaxşı pressinq edirdi. Biz də pressinq tətbiq edərək, hücumlar qurmağa çalışırdıq. Pis deyildi. İkinci hissədə rəqibdən üstün oynadıq və qol epizodlarından istifadə edərək qalib gəldik. Vaqif Cavadovu təbrik edirəm. Bu yükün altına girdikdə narahatlığım var idi. Amma oyunlar göstərir ki, yükü daşımağa qadirdir. Rəqibi analiz edəndə maraqlı detallar gördük. Vaqifə uğurlar arzulayıram. Futbolçularımı da təbrik edirəm. Üç gündən sonra kubok matçına çıxacağıq. Tez o oyuna keçid etməliyik".
Qeyd edək ki, "Zirə" 3 oyundan sonra qələbə qazanıb.
İdman.biz
