Sport24.az
Misli Premyer Liqasının 28-ci turunda "Zirə" doğma meydanda "Şamaxı"nı 3:0 hesabı ilə məğlub edib. Sport24.az xəbər verir ki, bu sözləri "Zirə"nin baş məşqçisi Rəşad Sadıqov oyundan sonra keçirilmiş mətbuat konfransında jurnalistlərin suallarını cavablandırıb:
- Milli fasilədən sonra ilk oyunumuz idi. Birinci hissənin ilk 5-10 dəqiqəsi bizim üçün yaxşı başladı. Amma, sonra oyun bizim üçün çətinləşdi. İstədiyimiz hücumları qura bilmirdik. Fasilədən sonra komandam xeyli fəallaşdı və düşünürəm ki, vacib 3 xal qazandıq. Bilirdik ki, rəqib əzmkardır. Xüsusilə, son turlarda iddialı komandalara qarşı yaxşı oyunu ilə seçilir. Biz oyuna yaxşı köklənmişdik.
- Fasilədə komandaya hansı tapşırıq verdiz ki, 2-ci hissəyə belə yaxşı başladınız?
- Fasilədə daha çox hücumda daha fəal olmağı tapşırıqlarını verdik. Çünki, 0:0 hesabı bizi qane etmir və "Şamaxı"nın əks hücumları, cinahdan asmalarından hər an fərqlənə bilərdilər. Hesabı açdıq və 2-ci qoldan sonra oyun bizim üçün daha rahat keçdi.
- Növbəti 2 turda "Qarabağ" və "Neftçi" ilə səfərdə qarşılaşacaqsınız. Bu oyun haqqında düşüncələriniz necədir?
- Həmin oyunları nəzərə alsaq, bu matçda 3 xal qazanmağımız olduqca önəmli idi. Qarşıdakı matçlara da xallar qazanmaq üçün çıxacağıq.
