Rəşad Sadıqov: "Ağır və acı məğlubiyyətdir"

"Ağır matç izlədik. Qarşılaşma daha çox meydanın mərkəzində keçirdi. Standart vəziyyətlərin davamında qapımızda qollar gördük. Böyük qüvvə ilə irəli atıldıq, bərabərlik topuna imza atdıq. Rəqibin növbəti hücumu da qolla nəticələndi. Onları təbrik edirəm. Başımızı dik tutmalıyıq. Ağır və acı məğlubiyyətdir. Futbolçularıma mübarizəyə təşəkkür edirəm"

Sport24.az xəbər verir ki, bu sözləri "Zirə"nin baş məşqçisi Rəşad Sadıqov "Neftçi"yə 1:2 hesabı ilə uduzduqları Misli Premyer Liqasının XXII turunun oyunundan sonra mətbuat konfransında deyib. 

Mütəxəssis daha sonra jurnalistlərin suallarını cavablandırıb...

- "Zirə qış fasiləsindən sonra rəqib tanımırdı. "Neftçi"yə isə 2 oyunda da məğlub olursunuz. Samir Abasov - Rəşad Sadıqov amilini önə çəkmək olar? 

- Futboldur. Ola bilər hansısa rəqib kimin üçünsə prinsipial olsun. Burada olduğum dönəmdən "Neftçi" bizə qarşı prinsipial olub. Samir Abasovun dönəmində olub ya əvvəl... 4,5 ildir buradayam. 2:0 udduğumuz matç bir balaca asan keçdi. Onda "Neftçi"nin performansı aşağı idi. İki il bundan əvvəl Samir Abasovun dönəmində "Neftçi" üzərində qələbə qazansaq, üçüncü olacaqdıq. Burada çox prinsipial görüş keçdi. Fərqli "Neftçi" gözləmirəm qarşımda. Futbolçulara da demişdim ki, digər oyunlarda "Neftçi"ni necə görürsüz bilmirəm, amma bizimlə fərqlidir. Oyunlarımız prinsipial keçir. Ola bilər bizə qarşı oynamaq maraqlıdır.

- Rəşad Sadıqovun ad və soyadı ola bilər?

- Düşünmürəm. Orada bəlkə də 90 faiz insan məni tanımır. Bu məqamlar bizi daha da gücləndirməlidir. 90-cı dəqiqəyə qədər qələbəyə yaxın biz idik. Ədalətli nəticə 0:0 olardı. Avorkuboklardan bu yana belə qollar buraxmışıq. Hesabı bərabərləşdirdik. Amma qoruyub-saxlaya bilmədik.

- Eldar Quliyev oynamır son vaxtlar. Bunun səbəbi nədir?

- Virus yayılanda xəstələnmişdi. 15-20 gün hərarəti yüksək oldu. Zədəlilərimiz var. Davit Volkov qışda xəstələnmişdi, tam sağalmamışdı. Hücum xəttində disbalasn yaşayırıq.