Idman.biz
"Bu, bizim üçün bir həyat təcrübəsi idi, orada da müəyyən şeylər öyrəndik".
İdman.Biz sportinfo.az-a istinadən xəbər verir ki, bu sözləri U-21 yığmasının sabiq çalışdırıcısı Rəşad Sadıqov deyib.
O bildirib ki, 2017-ci ildə AFFA-nın qərarını qəbul etməsə, bəlkə də daha çox peşman ola bilərdi:
"Seçmə mərhələdə beş oyunumuz olub. Toplantıda oyunlarımız müzakirə edildi və yüksək qiymətləndirildi.
Növbəti seçmə mərhələ üçün qarşıma hədəf qoyuldu ki, ikinci yeri tutmalısınız. Mən də dedim ki, heç bir zaman bu hədəf qoyulmayıb.
Dedilər ki, yox, sənin burda gördüyün işlər var. Hansı ki, növbəti seçmə mərhələ üçün bizdə beş-altı futbolçu oynayırdı.
O baxımdan mənə dedilər ki, ikinci yeri tutmağın realdır. Mən də dedim ki, heç bir problem yoxdur".
