Sport24.az
"Şahdağ Qusar" istəkli, sona qədər vuruşan komandadır. Matç gözlədiyimiz kimi ağır keçdi. Rahat qələbə qazandığımızı deyə bilmərik". Bu sözləri Sport24.az-a açıqlanmasında "Səbail"in qapıçısı Rəşad Əzizli deyib.
31 yaşlı futbolçu komandasının Birinci Liqanın 3-cü turunda "Şahdağ Qusar"a qalib gəldikləri (2:0) oyunla bağlı fikirlərini bölüşüb:
"Birinci Liqada 10 komandanın hamısı iddialıdır. Sonuncu pillədə qərarlaşan komanda ilə oynayıb, rahat qələbə qazana bilmərsən. İlk 3 tur qalib gəlsək də, oyunlar gərgin keçdi. Birinci Liqanın səviyyəsi Premyer Liqaya baxanda infrastruktur baxımından fərqlənir. Premyer Liqa 150-yə yaxın oyun keçirmişəm. Birinci Liqada oynamaq daha çətin gəlir ki, sürpriz nəticələr çox olur, tam fərqli futbol oynayırlar. Birinci Liqada döyüşmək, sona qədər futbol oynamaq lazımdı. Bu baxımdan həm yaxşı, həm də pis tərəfləri var. Növbəti turda "Şimal"la oyun ağır keçəcək. Hər rəqib çox istəkli, həvəslə oynayır. Matça hazırlaşırıq. Qələbə qazanmaq istəyirik. Necə olacağını zaman göstərəcək".
Qeyd edək ki, Birinci Liqada 3 turdan sonra "Səbail" maksimum nəticə ilə 2-ci pillədədir.
