Sport24.az
Millimizin üzvlərinin çıxış etdiyi "Radomyak" Polşa çempionatında qələbə qazanıb. Sport24.az xəbər verir ki, Renat Dadaşov və Rahil Məmmədovun çıxış etdiyi komanda 24-cü turda "Krakoviya"nın qonağı olub.
Görüş təmsilçilərimizin komandasının 2:1 hesablı qələbəsi ilə başa çatıb. Qələbə qolunun müəllifi Renat Dadaşov olub. Oyuna sonradan daxil olan hücumçumuz 90+1-ci dəqiqədə fərqlənib. Ötən tur olduğu kimi Dadaşov bu dəfə də son dəqiqələrdə komandasını məğlubiyyətdən xilas edib. Rahil Məmmədov isə ehtiyatda qalıb.
Qeyd edək ki, bu qələbədən sonra "Radomyak" 28 xalla 12-ci pilləyə yüksəlib.
