Sport24.az
"Ankaragücü" ilə yolları ayırmağa hazırlaşan Renat Dadaşov yeni klub axtarışındadı. Sport24.az-ın əldə etdiyi məlumata görə, millimizin forvardı ilk karyerasını Türkiyədə davam etdirmək fikrindədi.
25 yaşlı hücumçu qardaş ölkədə özünə komanda tapa bilməyəcəyi halda karyerasını Azərbaycanda davam etdirə bilər. Mənbəmizin sözlərinə əsasən, Premyer Liqanın iki klubu Dadaşovun xidmətində maraqlıdı. Futbolçu düşünmək üçün Azərbaycan klublarından vaxt istəyib.
Qeyd edək ki, Renat cari mövsümdə "Ankaragücü"nün heyətində 15 matç keçirib. Onun aktivində 2 qol və 1 məhsuldar ötürmə var.
