İdman.biz
Olavio Juninyo avrokuboklarda 14-cü qolunu vurub.
İdman.biz xəbər verir ki, "Qarabağ"ın braziliyalı futbolçusu buna 26 matçda nail olub.
28 yaşlı hücumçu Avropa Liqasının Liqa mərhələsinin V turunda "Lion"un qapısına yol tapmaqla Azərbaycan rekorduna yaxınlaşıb. Juninyo klublarımızın heyətində ən çox fərqlənən Abdullah Zubirdən bir top geri qalır. "Qarabağ"ın fransalı legioneri 15 dəfə qol sevinci yaşayıb.
Avrokuboklarda yalnız "Qarabağ" forması geyinən Olavio ötən mövsümün 15 matçında 6, bu dəfə isə 11 görüşdə 8 dəfə fərqlənib. Çempionlar Liqasındakı 7 qarşılaşmada 6 qola sevinən forvard Avropa Liqasında keçirdiyi 19 oyunda 8 dəfə rəqib qapıçıları məyus edib. Onun orta məhsuldarlığı 0,54-ə bərabərdir.
Qeyd edək ki, "Qarabağ" "Lion"la qarşılaşmada 1:4 hesabı ilə uduzub.
İdman.biz
