Sport24.az
"Ümumiyyətlə, asan oyun olmur. Xüsusilə də çempionatın əvvəlində. Mövsümə qələbə ilə başlamaq istəyirdik. Təəssüf ki, "Turan Tovuz"la qarşılaşmada azarkeşlərimizi sevindirə bilmədik". Bu sözləri Sport24.az-a açıqlamasında "Neftçi"nin futbolçusu Rəhman Hacıyev deyib.
31 yaşlı yarımmüdafiəçi qarşıdakı turlarda daha yaxşı çıxış edəcəklərini də vurğulayıb: "Mövsümlərarası fasilədə yaxşı toplanış keçmişik. Bunun bəhrəsini növbəti turlarda görəcəyik. Çempionat yeni başlayıb. Qarşıdakı həftələrdə daha yaxşı oyun sərgiləyib, qələbələr qazanacağıq. İddialı komandayıq, heyətimizdə səviyyəli futbolçular yer alıb. Azarkeşlərimiz bizə güvənsinlər və dəstəkləməkdə davam etsinlər. Onların etimadını doğruldacayıq"
Qeyd edək ki, Premyer liqanın ilk turunda "Neftçi" öz meydanında "Turan Tovuz"la qolsuz bərabərə qalıb.
