Sport24.az
"Biz hər oyuna ciddi hazırlaşırıq". Bu sözləri Sport24.az-a "Sabah"ın futbolçusu Rəhman Daşdəmirov deyib.
25 yaşlı müdafiəçi Misli Premyer Liqasının sonuncu - 36-cı turunda evdə "Neftçi"ni məğlub etdikləri matç haqqında fikirlərini bölüşüb:
"Bu rəqiblə qarşılaşmalar hər zaman çətin keçir. Bu dəfə də istisna olmadı. Görüşün gedişində azlıqda qaldıq. Buna baxmayaraq qol vurmağı bacardıq. Lakin ikinci hissənin gedişində meydanda say bərabərləşdi. Bir neçə fürsətimiz olsa da, yalnız birindən yararlana bildik. Çempionatda mövsümü doğma azarkeşlər önündə qələbə ilə başa vurmaq xoşdur".
O, mayın 31-də "Qarabağ"a qarşı keçirəcəkləri Azərbaycan Kubokunun final oyunu ilə bağlı da danışıb:
"Artıq kollektiv olaraq bu matça köklənmişik. Bizi çox güclü rəqiblə vacib bir qarşılaşma gözləyir. Komanda kuboku qazanmaq üçün meydanda maksimumu ortaya qoymalıdır. İnanıram ki, azarkeşlər də finala layiq oyunun şahidi olacaqlar".
Qeyd edək ki, ölk kubokunun final qarşılaşması mayın 31-də Mehdi Hüseynzadə adına Sumqayıt şəhər stadionunda keçiriləcək. Həlledici matçda "Qarabağ" və "Sabah" üz-üzə gələcək.
