Idman.biz
"Çətin oyun alındı. Rəqibimizin adı və səviyyəsi hamıya bəlli idi".
İdman.biz xəbər verir ki, bunu Sport24.az-a açıqlamasında "Sabah"ın futbolçusu Rəhman Daşdəmirov deyib.
25 yaşlı cinah müdafiəçisi "Qarabağ"ı məğlub etdikləri (3:2) Azərbaycan Kubokunun final oyunu ilə bağlı fikirlərini bölüşüb: "Bu qarşılaşmada bacardığımızı etdik. Şans da bizim tərəfimizdə idi. Sonuncu dəqiqələrdə qələbə qolunu vura bildik. Matçın penaltilər seriyasına gedəcəyini düşünürdüm. Şükürlər olsun ki, qalibiyyət əldə etdik".
Oyunçu "Sabah"ın ilk titulunu qazanması ilə bağlı da danışıb: "Hər bir futbolçu titul qazanmaq istəyir. Mən də "Sabah"la buna sahib oldum".
Daşdəmirov avrokuboklardakı hədəflərdən də söz açıb: "Qarşımıza hansı komandanın çıxmasından çox şey asılıdır. Maksimum nəticə qazanmağa çalışacağıq".
İdman.biz
