İdman.biz
"Bu gün hazırlıqlarımızı yekunlaşdırdıq. Cəmi bir məşqimiz qalıb. O da oyunöncəsi olacaq".
İdman.biz xəbər verir ki, bunu minifutbol üzrə Azərbaycanın U-23 millisinin baş məşqçisi Rəcəb Fərəczadə deyib.
O, Xorvatiyada keçiriləcək dünya çempionatına hazırlıqları dəyərləndirib, hədəflərini açıqlayıb: "Komandamız mundiala tam hazırdı. Oyun vaxtını gözləyirik. Yaxşı nəticə ilə Bakıya dönməyə çalışacağıq. Hədəfimiz çempionluqdur. Hamımız oraya nəticəyə görə gedirik".
Bəzi ölkələr viza problemi ilə üzləşdiyi üçün millimizin qrupunda dəyişiklik olub. Yığmamız dünya çempionatında Çexiya, Serbiya və Hindistana qarşı mübarizə aparacaq. Fərəczadə bildirib ki, bu dəyişiklik problem yarada bilər: "Bundan əvvəlki rəqiblər haqqında da heç bir məlumatımız yox idi. Bilirik ki, Serbiya və Çexiyanın MFL-də çox güclü komandaları var. Hər zaman Avropa və dünya çempionatlarında yaxşı çıxış ediblər. Bu səbəbdən də qrupumuzun çətinləşdiyini düşünürəm. Birinci oyun bizə bir qədər sürpriz kimi gələcək. Çünki rəqibi tanımırıq. İkinci üçüncü oyunlar yüngül olacaq. Çünki onları tanımağa vaxtımız olacaq".
Qeyd edək ki, dünya çempionatı oktyabrın 7-dən 10-a kimi keçiriləcək.
Emin Ağa
İdman.biz
