Sport24.az
"Real"ın sabiq yarımmüdafiəçisi Asier İllarramendi Honq Konq Premyer Liqa təmsilçisi "Kitçi"yə keçib. Sport24.az xəbər verir ki, bu barədə Asiya təmsilçisinin rəsmi saytı məlumat yayıb. 35 yaşlı ispaniyalı 5 nömrəli formanı geyinəcək.
İspaniyalının yeni komandasının baş məşqçisi İniqo Kalderon futbolçunun komandaya çox fayda verəcəyini bildirib: "O, şübhəsiz ki, sistem və oyun tərzi baxımından bizə lazım olan oyunçudur. O, komandaya çox şey gətirəcək".
Qeyd edək ki, İllarramendi bu ilin yanvarında "Dallas"dan ayrılandan sonra azad agent statusu daşıyıb. O, karyerası ərzində "Real Sosyedad" və "Real" kimi klubların da formasını geyinib. Yarımmüdafiəçi İspaniya millisinin heyətində 3 oyuna çıxıb və 1 qol vurub.
