Sport24.az
UEFA "Real" futbolçularına qarşı intizam araşdırmasını başa çatdırıb. Sport24.az xəbər verir ki, Kilian Mbappe və Antonio Rudiger hərəyə bir oyunluq UEFA yarışlarından uzaqlaşdırılıb.
Diskvalifikasiyalar şərtidir və bir illik sınaq müddəti var.
Rüdiger 40 min avro, Mbappe isə 30 min avro cərimə olunub. Dani Sebalyos diskvalifikasiya edilmədən cəmi 20 min avro cərimə olunub.
Xatırladaq ki, "Real" futbolçuları "Atletiko" ilə oyun zamanı və oyundan sonra "Atletiko" azarkeşlərinə müxtəlif jestlər etmişdilər.
"Real" Çempionlar Liqasında növbəti oyununu aprelin 8-də "Arsenal"a qarşı keçirəcək.
