Lent.az
Madrid "Real"ının futbolçuları Vinisius Junior, Federiko Valverde və Cud Bellingem komandanın baş məşqçisi Xabi Alonsonun işindən narazıdırlar.
Lent.az xəbər verir ki, Vinisius komandanı Alonsonun çalışdırdığı müddətdə Madrid klubu ilə müqaviləni uzatmaqdan imtina edir. Futbolçu hesab edir ki, məşqçi ona qarşı ədalətsiz münasibət göstərir.
Valverde yarımmüdafiə xəttində oynamaq istəyir, lakin Alonso onu mərkəz yarımmüdafiəçisi kimi görmür və futbolçunu sağ cinah müdafiəçisi mövqeyində oynatmağı üstün tutur.
Bellingem isə Alonsonun oyun sistemində özünə uyğun yer tapa bilmir. Onun fikrincə bəzən öz ustalığını nümayiş etdirsə də, məşqçi onun potensialını tam açmağa imkan vermir.
Madrid "Real"ı İspaniya çempionatında ardıcıl iki turdur qələbə qazana bilmir. Komanda "Rayo Valyekano" (0:0) və "Elçe" (2:2) ilə heç-heçə oynayıb.
