Lent.az
Karlo Ançelottinin "Real"dan ayrılması xəbərini tanınmış insayder Fabrisio Romano öz "Twitter" səhifəsində təsdiqləyib və italiyalı mütəxəssisin transferi ilə bağlı razılığa gəldiyini qeyd edib.
Lent.az xarici KİV-ə istinadla bildirir ki, Ançelottinin yeni müqaviləsinin "Real"la əməkdaşlığı bitdikdən sonra iyun ayında qüvvəyə minəcəyi gözlənilir. Klublararası Beynəlxalq Çempionatda Madrid komandasına başqa bir məşqçi rəhbərlik edəcək.
Ançelotti Braziliya millisinin 2026-cı ildə ABŞ, Kanada və Meksikada keçiriləcək dünya çempionatına hazırlığına cavabdeh olacaq.
Qeyd edək ki, Ançelotti 2013-2015-ci illərdə "Real"ın baş məşqçisi olub və 2021-ci ildə komandaya qayıdıb. Bu müddət ərzində o, klubun 15 kubok qazanmasına kömək edib.
