Idman.biz
"Real Madrid" "Kristal Pelas"ın 21 yaşlı yarımmüdafiəçisi Adam Uortonu izləyir.
İdman.Biz "AS"a istinadla xəbər verir ki, "Real" ingilis futbolçunu klubun ötən yay müqavilə imzalaya bilmədiyi Martin Subimendiyə alternativ kimi nəzərdən keçirir.
Mənbənin sözlərinə görə, Uortona "Mançester Yunayted" də fəal surətdə maraq göstərir. Bəzi media orqanları daha əvvəl "qırmızı şeytanlar"ın bu yay 21 yaşlı futbolçu üçün 60 milyon funt sterlinq (69 milyon avro) təklif etməyə hazır olduqlarını yazmışdı.
Uorton bu mövsüm bütün yarışlarda 10 matçda meydana çıxıb, bir məhsuldar ötürmə edib. Onun klubla hazırkı müqaviləsi 2029-cu ilin yayına qədərdir. Transfermarkt-ın məlumatına görə, onun bazar dəyəri 45 milyon avrodur.
