Sport24.az
"Mançester Siti"nin yarımmüdafiəçisi Rodri artıq "Real"ın maraq dairəsində deyil. Sport24.az "El Nacional" nəşrinə istinadən xəbər verir ki, "Kral klubu" 29 yaşlı ispaniyalını transfer etmək planlarından imtina edib.
Mənbənin sözlərinə görə, Madrid nəhənginin qərarı bir neçə əsas amilə əsaslanır. Əsas səbəblər arasında oyunçunun yüksək transfer haqqı, yaşı və tez-tez rastlaşdığı sağlamlıq problemidir. Bildirilir ki, yarımmüdafiəçisi hələ də tam sağalmayıb və dizindəki çarpaz bağ yırtığından sonra pik formasını bərpa etməyib. O, ötən ilin sentyabrında zədələnib və bu da onun performansına təsir göstərir.
Rodrinin əvəzinə "Real" diqqətini iki başqa namizədə yönəldib və onların transferlərini daha perspektivli hesab edir. Madrid təmsilçisi İngiltərənin "Kristal Pelas" klubunda çıxış edən Adam Uorton və Niderland təmsilçisi "AZ Alkmaar"da oynayan Kes Smitlə maraqlanır.
Qeyd edək ki, Rodri bu mövsüm "Mançester Siti"nin heyətində səkkiz oyunda meydana çıxıb.
