Idman.biz
Madridin "Real" klubu "Mançester Yunayted"in yarımmüdafiəçisi Kobbi Maynunun transferi ilə maraqlanır.
İdman.Biz xəbər verir ki, jurnalist Ekrem Konurun "X" sosial şəbəkəsində verdiyi məlumata görə, İspaniya nəhəngi yanvar transfer pəncərəsində gənc futbolçunu heyətinə qatmaq istəyir.
Mənbənin bildirdiyinə görə, 20 yaşlı yarımmüdafiəçi təklif münasib olarsa, "Real"a dərhal keçməyə hazırdır. Lakin "Mançester Yunayted" öz yetirməsini asanlıqla buraxmaq niyyətində deyil və onun transfer qiymətini 80-90 milyon avro civarında müəyyənləşdirib.
İngiltərə klubu ilə yanaşı, "Napoli", "Bavariya" və "Lion" da Maynunun vəziyyətini yaxından izləyir.
Qeyd edək ki, Kobbi Maynu "Mançester Yunayted" akademiyasının yetirməsidir. O, əsas komandanın heyətində 74 oyuna çıxaraq yeddi qol və iki məhsuldar ötürmə ilə yadda qalıb.
