Idman.biz
"Real Madrid"in braziliyalı futbolçusu Vinisius Junior əvvəlki oyun formasını bərpa etməkdə çətinlik çəkir.
İdman.Biz xəbər verir ki, futbolçunun Çempionlar Liqasında AEK ilə qarşılaşmadakı çıxışı da İspaniya mediasında müzakirələrə səbəb olub.
La Liqada diskvalifikasiya olunduğu üçün son oyunları buraxan Vinisius Yunanıstan təmsilçisinə qarşı meydana çıxsa da, gözlənilən təsiri göstərə bilməyib.
"Radio Marca"nın jurnalisti Migel Anxel Toribio Madrid klubunun qələbəsini şərh edərkən Cud Bellinqamın oyununu yüksək qiymətləndirib, braziliyalı futbolçunu isə tənqid edib.
"Mənfi məqam yenə Vinisius idi", - deyə jurnalist bildirib.
Bu arada Yan Diomandenin son oyunlardakı çıxışı əsas heyətdə rəqabəti gücləndirib. Gənc futbolçunun ona verilən imkanlardan istifadə etməsi Vinisiusun vəziyyətini daha da çətinləşdirir.
Joze Mourinyo isə AEK ilə görüşdən sonra Vinisiusun oyununu qənaətbəxş qiymətləndirərək onun əvəzlənməsini taktiki dəyişikliklərlə əlaqələndirib.
