Idman.biz
"Real Madrid" yay transfer pəncərəsində PSJ-dən ekvadorlu müdafiəçi Vilyam Paçonu transfer edə bilər.
İdman.Biz bu barədə "Marca"ya istinadən məlumat verir.
Nəşrin məlumatına görə, əgər Alvaro Arbeloa gələn mövsüm "Los Blancos"un baş məşqçisi olaraq qalarsa, ispan məşqçi parisli oyunçunun transferini təmin etməyə çalışacaq.
Bu mövsüm Paço klubun heyətində bütün yarışlarda 22 oyun keçirib və iki qol vurub. Keçən il müdafiəçi PSJ ilə Çempionlar Liqasını, Fransa liqasını, Fransa Kubokunu və Fransa Superkubokunu qazanıb. Transfermarkt portalındakı məlumata görə, onun bazar dəyəri 70 milyon avrodur.
