Idman.biz
Futbol təkcə qollar və kuboklar deyil, həm də oyunçuların xarakterlərini, görünüşlərini və ya vərdişlərini əks etdirən ləqəblər aldıqları xüsusi atmosferidir.
İdman.biz xəbər verir ki, bu illər ərzində "Real Madrid" ironik təfərrüatlara diqqət yetirən və komandanın gündəlik həyatına yumor əlavə edən çoxlu gülməli ləqəblər toplayıb.
Bu gün sizə onlardan bəziləri haqqında məlumat verəcəyik.
● Antonio Kassano - Qordito
İspan dilindən tərcümədə - kök adam. İtalyan bu ləqəbi ona görə alıb ki, Madridə artıq çəki ilə gəlib və demək olar ki, bütün 2006/07 mövsümünü belə keçirib, sonra isə klubu tərk edib.
● Məsut Özil - Nemo
Məsut bu ləqəbi "Nemonun axtarışında" cizgi filmindəki balığı xatırladan qabarıq gözlərinə görə alıb.
● Dani Karvahal - Cabeza Kivi
Daninin bu ləqəbi ("kivi baş") bir dəfə Tibo Kurtua danışıb. Karvahalın başının forması kiviyə bənzəyir və komanda yoldaşları bununla bağlı ona sataşırlar.
● Luka Modriç - Vinaqre
Tərcümə etsəniz, sirkə deməkdir. Luka bu ləqəbi ona görə alıb ki, məşqdə uduzmağa heç vaxt dözmür (reaksiyası sirkə kimi kəskindr). Modriç bir dəfə məşqdəki dueldə məğlubiyyətə o qədər üzülüb ki, dərhal paltardəyişmə otağına gedib və növbəti məşqə qədər heç kimlə danışmayıb.
● Kriştiano Ronaldo - El Bicho
Sözün bir neçə tərcümə variantı var, lakin Kriştianoya bu cür ləqəb verən ispan şərhçisi Manolo Lama "heyvan" demək istəyib. İspaniyada bu ləqəb Ronaldoya möhkəm yapışıb.
● Fede Valverde - El Pajarito / El Halcon
Fede gənc olanda onu "quşcuğaz" (El Pajarito) adlandırırdılar. Valverde özünü Madridin start heyətində möhkəmlətdikdən sonra komanda yoldaşları Fedenin irəliləyişini vurğulayaraq onun ləqəbini "şahin" (El Halcon) olaraq dəyişdiriblər.
● Serxio Ramos - Çuru
Əvvəlki nümunələrdən fərqli olaraq, ləqəbin mənası məlum deyil. Amma Serxio bir dəfə onun mənşəyini belə izah etmişdi: "Xavier Saviola mənə Çurrua deyirdi, bundan sonra o, Çuruya qısaldıldı və belə də qaldı".
● Kərim Benzema - El Qato
Son illərdə Madrid oyunçuları arasında bəlkə də ən məşhur ləqəb. Onu üzünə deməyiblər (Kərimin xoşuna gəlmirmiş), amma geniş yayılıb. 2010-cu ildə Qonzalo İquainin zədəsindən sonra Joze Mourinyodan argentinalının yoxluğunda hücumu necə təşkil edəcəyini soruşduqda, Joze belə cavab vermişdi: "İtlə ova getmək daha yaxşıdır, ancaq pişiyiniz varsa, pişiklə getməli olacaqsınız". Maraqlı təsadüf nəticəsində məhz bu sözlərdən sonra Kərim "Real Madrid"in əsas heyətində yerini təmin etdi və mövsümdə ən azı 20-25 qol vurmağa başladı və 2011-ci ilin martında fransızın ardıcıl üç dublundan sonra MARCA belə manşetlə: "Bu pişik şir oldu".
● Qonzalo İquain - Pipita
İquain atası, vaxtilə "El Pipa" ləqəbi ilə tanınan keçmiş argentinalı futbolçu Xorxe İquainin şərəfinə "Pipita" ləqəbini alıb. Argentina jarqonunda Pipa "xarakterli oğlan" və ya "sərt" kimi bir şeydir.
● Endrik — Bobbi
Endrik müsahibələrinin birində sevimli oyunçularından birinin ser Bobbi Çarlton olduğunu deyib, bundan sonra Cud Bellingem braziliyalını "Bobbi" adlandırmağa başlayıb. Komanda yoldaşları da bunu qəbul ediblər və sonda o, Endrik adı ilə deyil, daha çox ləqəbi ilə çağırılmağa başlayıb.
İdman.biz
