Sport24.az
"Real" yarımmüdafiəçi Luka Modriç və müdafiəçi Lukas Vaskeslə müqaviləni uzatmağı planlaşdırır. Sport24.az xəbər verir ki, bu barədə AS nəşri məlumat yayıb.
Mənbənin sözlərinə görə, Madrid klubu futbolçularla müqaviləni iki həftə - iyulun 13-dək uzatmaq istəyir.
Bu addım komandanın finalı iyulun 13-nə planlaşdırılan Klublararası Dünya Çempionatındakı çıxışı ilə bağlıdır. FİFA turnir iştirakçılarından müqavilələri iyunun sonuna qədər qüvvədə olan futbolçularla qısamüddətli uzadılması barədə razılığa gəlməyi xahiş edib.
Qeyd olunur ki, Modriç maaşının azalmasına və ikinci dərəcəli rolu qəbul etməyə razı olarsa, daha bir mövsüm "Real"da qalmaq şansı var. Vaskesin isə "Kral klubu"ndan ayrılacağı dəqiqləşib.
