Lent.az
"Liverpul"dan ayrılacağını açıqlayan sağ cinah müdafiəçisi Trent Alexander-Arnold "Real Madrid"in futbolçusu olub.
Lent.az xəbər verir ki, 26 yaşlı ingilis futbolçu "qaymaqlılar"la 2031-ci il iyunun 30-dək müqavilə imzalayıb.
Trentin Madrid klubundakı ilk oyunu iyunun 15-dən iyulun 13-dək ABŞ-da keçiriləcək 2025-ci il Klublararası Dünya Çempionatında olacaq.
Alexander-Arnold "Liverpul"un yetirməsidir. O, 2016-cı ildən mersisaydlıların əsas komandasında çıxış edir. 2018/19 mövsümündə Çempionlar Liqasının qalibi və iki dəfə Premyer Liqa çempionu (2019/20, 2024/25) daxil olmaqla 9 kubok qazanıb.
