Idman.biz
İspaniya La Liqasının 10-cu turunda keçirilən "El Klassiko"da Madridin "Real" klubu "Barselona"nı 2:1 hesabı ilə məğlub edib.
İdman.Biz xəbər verir ki, "Santiago Bernabeu" stadionunda baş tutan matçı baş hakim Sesar Soto Qrado idarə edib.
5-ci dəqiqədə "Barselona"nin cərimə meydançasında penalti təyin edilsə də, VAR müdaxiləsindən sonra qərar ləğv edilib.
12-ci dəqiqədə "Real"ın hücumçusu Kilian Mbappe uzaqdan zərbə ilə topu qapıya göndərib, amma qol VAR-a baxıldıqdan sonra qeydə alınmayıb.
22-ci dəqiqədə Mbappé hesabı açıb – 1:0. 38-ci dəqiqədə kataloniyalı Fermin Lopez hesabı bərabərləşdirib – 1:1.
43-cü dəqiqədə "Real"ın yarımmüdafiəçisi Bellingem komandəsini yenidən önə çıxarıb - 2:1.
52-ci dəqiqədə Mbappe penalti imkanını istifadə edə bilməyib, qapıçı Voytsex Şesnı topu qapısından çıxarıb.
68-ci dəqiqədə Bellingemin ikinci qolu ofsayd səbəbindən ləğv olunub.
Matçın əlavə vaxtında (90+10) "Barselona"nın oyunçusu Pedri ikinci sarı vərəqəsini alaraq meydandan qovulub.
Qeyd edək ki, qələbə sayəsində "Real" 10 oyunda topladığı 27 xalla La Liqada birinci, "Barselona" isə 22 xalla ikinci yerdə qərarlaşıb.
