Sport24.az
"Real" "Liverpul" ilə əlaqə saxlayaraq mərkəz müdafiəçisi İbrahima Konateni bu yay transfer etmək istədiyini bildirib. Sport24.az xəbər verir ki, bu barədə "L'Équipe" nəşri məlumat yayıb.
Mənbənin sözlərinə görə, "qırmızılar" fransız futbolçunu klubda saxlamaqda qərarlıdır və onunla 2026-cı il iyunun 30-da başa çatacaq müqaviləni uzatmaq niyyətindədir. "Liverpul" rəhbərliyi Konatenin şərtlərindən xəbərdardır.
Daha əvvəl mətbuatda İngiltərə klubunun müdafiəçisi ilə maraqlanan istənilən klubdan 40 milyon funt sterlinq (46,4 milyon avro) tələb ediləcəyi barədə məlumat yayılmışdı.
Qeyd edək ki, 26 yaşlı futbolçu 2021-ci ilin yayından "Liverpul"un formasını geyinir.
