Lent.az
Zədəli futbolçuların siyahısı uzundur: qapıçı Lunin, müdafiəçilər Karvaxal, Rudiger, Militao, Alaba, Mendi, yarımmüdafiəçilər Dias, Vaskes və Kamavinqa, həmçinin hücumçular Vinisius və Rodriqo.
Lent.az xarici mediaya istinadla bildirir ki, "Real"ın baş məşqçisi Karlo Ançelotti komandasının daha bir futbolçusunu - yarımmüdafiəçi Brahim Diası itirmək təhlükəsi ilə üzləşib. Bu, artıq komandada on birinci zədə presedentidir.
Mərakeşli futbolçu Dias "El Klasiko" oyunu zamanı əzələsindən zədə alıb. O, ağrılarına baxmayaraq, "Barselona" ilə görüşü (3:4) başa vurmağı bacarıb. Bununla belə, o, indi "Malyorka" (14 may) və "Sevilya" (18 may) ilə qarşıdakı iki oyunu buraxmaq məcburiyyətində qalacaq.
"Real"ın zədəli futbolçularının siyahısı o qədər uzundur ki, onlar ayrıca komanda yarada bilərlər. Zədələnənlər arasında Diasdan başqa qapıçı Lunin, müdafiəçilər Karvaxal, Rudiger, Militao, Alaba, Mendi, yarımmüdafiəçilər Vaskes və Kamavinqa, həmçinin hücumçular Vinisius və Rodriqo da var.
