Idman.biz
"Real Madrid"in 19 yaşlı hücumçusu Endrikin "Lion"a icarəyə verilməsi ilə bağlı yeni detallar ortaya çıxıb.
İdman.Biz xəbər verir ki, daha əvvəl Madrid klubunun braziliyalı hücumçunu 2026-cı ilin iyun ayına qədər Fransa komandasına heç bir alış seçimi olmadan buraxmağa razılaşdığı bildirilirdi.
Oyunçunun ətrafı artıq Fransada mənzil axtarır.
Klublar arasında bağlanan müqaviləyə gənc hücumçunun icarəsinin maliyyə aspektləri və oyun təcrübəsi ilə bağlı müddəalar daxil ediləcək. "Real Madrid" Endrikin maaşının bir hissəsini ödəyəcək.
Bundan əlavə, müqaviləyə "Lion" üçün cərimə bəndi də daxil ediləcək. Fransa klubu Endrikin lazımi sayda əsas heyətdə meydana çıxmaması halında "Real Madrid"ə müəyyən məbləğ ödəməyə razı olacaq. Bu bənd oyunçunun lazımi oyun təcrübəsini almasını təmin etmək üçün nəzərdə tutulub. Bu mövsüm Endrik "Real"da yalnız bir oyun keçirib və "Valensiya"ya qarşı oyunda (4:0) 79-cu dəqiqədə əvəzedici kimi meydana çıxıb.
