Sport24.az
Real" İspaniya millisinin və "Real Sosyedad"ın yarımmüdafiəçisi Martin Subimendini transfer etmək istəyir. Sport24.az xəbər verir ki, bu barədə COPE məlumat yayıb.
Bildirilir ki, 2024-cü ildə İspaniya millisi ilə Avropa çempionu olan futbolçunun "Real Sosyedad"dan ayrılmaq ehtimalı yüksəkdir. "Kral Klubu" yarımmüdafiəçi üçün 60 milyon avro məbləğində təzminat ödəməyə hazırdır.
Qeyd edək ki, bu mövsüm Subimendi klub və milli komandanın heyətində bütün yarışlarda 45 matçda iştirak edib. Onun aktivində üç qol və iki məhsuldar ötürmə var. Futbolçunun klubla hazırkı müqaviləsi 2027-ci ilin yayına kimi nəzərdə tutulub.
