Sport24.az
"Real"ın baş skautu Yuni Kalafat klub rəhbərliyinə "AZ Alkmaar"ın 19 yaşlı yarımmüdafiəçisi Kes Smitin bu yay "Kral klubu"na keçməyə hazır olduğunu bildirib. Sport 24.az xəbər verir ki, bu barədə "Defensa Central" məlumat yayıb.
Mənbənin sözlərinə görə, "Los Blancos"un prezidenti Florentino Peres niderlandlı futbolçunun transferini həyata keçirə bilər. "AZ Alkmaar" rəhbərliyi fikirini dəyişməyəcəyi halda bu keçidin "Real"a 40-45 milyon avroya başa gələcəyi gözlənilir.
Qeyd edək ki, Smit bu mövsüm bütün turnirlərdə 27 oyunda meydana çıxıb, 2 qol vurub və 5 məhsuldar ötürmə edib. Onun klubla hazırkı müqaviləsi 2028-ci ilin yayında başa çatır.
