Sport24.az
"Real"ın skautinq departamenti 18 yaşlı ukraynalı hücumçu Artem Stepanovu yaxından izləyir. Sport24.az xəbər verir ki, bu barədə "Defensa Central" məlumat yayıb.
Mənbənin sözlərinə görə, "Kral klubu"nun baş skautu Juni Kalafat ukraynalını Erlinq Haalanda bənzədir.
Stepanovun "Bayer"lə müqaviləsi 2027-ci ilin iyununda başa çatır. Futbolçu bu mövsümü icarə əsasında "Nürnberq"də keçirəcək.
Mənbə bildirir ki, Stepanov uğurlu mövsüm keçirsə, "Real" 2026-cı ilin yayında ukraynalının transferi üçün addımlar atacaq.
Qeyd edək ki, Stepanov ötən mövsüm "Bayer"in U-19 komandasının heyətində Almaniya çempionatında 17 matçda 22 qol vurub. Bu mövsüm o, İkinci Bundesliqada "Nürnberq"in heyətində keçirdiyi 3 oyunda hələ ki fərqlənməyib. Hücumçu "Şaxtyor"un yetirməsidir.
