Idman.biz
"Real Madrid"in sabiq futbolçusu və klubun gənclər komandasının keçmiş baş məşqçisi Raul Qonsales İspaniyanın "Real Oviedo" klubuna rəhbərlik edəcək.
İdman.Biz xəbər verir ki, bu barədə klubun mətbuat xidməti məlumat yayıb.
49 yaşlı mütəxəssis yeni komandası ilə 2028-ci ilə qədər müqavilə imzalayıb. Qeyd edək ki, bu, Raulun peşəkar səviyyədə əsas komanda ilə ilk məşqçilik təcrübəsi olacaq.
"Real Oviedo" İspaniyanın ikinci divizionunda 21 xalla doqquzuncu pillədə qərarlaşıb. Komanda yüksəliş uğrunda pley-off zonasından cəmi bir xal geri qalır.
Raulun rəhbərliyi altında ilk oyun noyabrın 14-də "Jirona"ya qarşı olacaq. Qarşılaşma Bakı vaxtı ilə saat 00:00-da başlayacaq.
