İspaniya yığmasının və "Real"ın sabiq futbolçusu Raul Qonsales Almaniyada işləyə bilər. Sport24.az "Bild"-ə istinadən xəbər verir ki, ispan mütəxəssisin xidmətində "Şalke" maraqlıdır.
47 yaşlı çalışdırıcı bu vəzifəyə əsas namizəd hesab olunur. Raul hazırda "Real"ın ikinci komandası olan "Kastilya"ya rəhbərlik edir. "Şalke" uğursuz nəticələrə görə bir neçə gün əvvəl baş məşqçisini istefaya göndərib.
Qeyd edək ki, komanda Almaniya çempionatının 6 turundan sonra 4 xal toplayıb və turnir cədvəlinin 16-cı pilləsində qərarlaşıb.