Sport24.az
İspaniya məhkəməsi "Real"ın müdafiəçisi Raul Asensio və onun Madrid klubunun gənclər komandasında bir yerdə oynadığı 3 futbolçuya qarşı cinayət işi açıb. Sport24.az xəbər verir ki, bu barədə "Marca" məlumat yayıb.
Futbolçular yetkinlik yaşına çatmayan qızın razılığı olmadan onun iştirak etdiyi intim videonu çəkib yaymaqda ittiham olunublar. Asensiodan başqa, Andres Qarsiya və Xuan Rodrigesə qarşı da ittihamlar irəli sürülüb.
Qeyd olunur ki, hadisə 2023-cü ildə baş verib. Zərərçəkənin anasının sözlərinə görə, futbolçulardan biri 16 yaşlı qızı ilə video çəkib, sonra isə onu social şəbəkə vasitəsilə yayıb.
